සෙල්වම් මගේ
සොහොයුර.........!
දැන් අපි අපේ සිතියමේ
හරියටම ලකුණු කර ගනිමු
අසාධාරණය උපදින තැන
වෙනසක් නැතිව
පීඩනය
අපමතම හෙලන .........!
සෙල්වම්
මගේ සොහොයුර .........!
අයුක්තිය පැතිර ඇත්තේ
මාලිමාවට අනුව නම් නොවේ
හිමිදිරි උදෑසන සිට
මධ්යම රාත්රිය වනතුරු
සමෘද්ධිය හා
සෞභාග්යය පිළිබඳව
දේසනා ඇසේ අපට
එදා වාගේම අදත්..........!
ජීවිතවලට
ගව්ගනං දුර නමුත්
දේශනා ඇසේ අපට
සිව්දිසාවෙන්ම .........!
සෙල්වම් මගේ
සොහොයුර........!
දැන් අපි අපේ සිතියමේ
හරියටම ලකුණු කර ගනිමු
සූරාකෑම උපදින තැන.
උඹත් මමත්
ගොදුරු වන.......!
පැරණී කල්පනාවන්
කලපුව තුලම ගිල්වමු
අයුක්තියට කකියන ලේ
රස්නයට තියාගමු........!
සෙල්වම් මගේ
සොහොයුර.....!
සූරාකෑම පැතිරී ඇත්තේ
මාලිමාවට අනුව නම් නොවේ
බොහෝ මෙවලම්
අපට මග වරද්දා දී තිබේ
ජීවිතය අපට
හොයාගන්නට වෙනවාමයි
දනින් නොවැටෙන තැනක.......!
යුක්තිය අපට
හොයාගන්නට වෙනවාමයි
වෙනස් විදියක නොසළකන තැනක
නිදහස අපට
හොයාගන්නට වෙනවාමයි
ඇගිලි නොගසන තැනක.......!
ඉතිං සෙල්වම්
අපේ සිතියමේ
ලකුණු කරගත් ඉලක්කයට
පහර දෙන්නට වෙනවා අපිට..........
එකම කඳවුරක සිට
විමුක්තිය දිනාගන්නට ......!
- දයා නෙත්තසිංහ
No comments:
Post a Comment